الزمن في المحكمه

حال البشر في هذه الدنيا يلقوا باللوم على ما يصيبهم على الزمن

منهم من قال الزمان بلاني وهنالك آخر يقول زمن غدار

والكثير يقول ما أصعبك يا زمن .. آآآه من الزمن .. زمن غير منصف .. و .. و .. و

والزمن بريء من ذلك

تابعوا قصيدتي



براءة يا زمن



القاضي

بدينا المحكمة ونادي يا حاجب على المتهوم
وخلي التاهم يقــــرب يحضّر كل بياناته



خلنا نحكـم بإنصاف من ظالم ومـن مظلوم
ونادي الشاهد يجينا نبي نسمـــع إفاداته



خلي المتهم يدخل بقفص المحكمة المعلـوم
وفك القيد من إيـــده وحــررها يدياته



الحاجب



حاضر سيدي القاضي أمرك طاعته بلـزوم
أنادي المتهـم حاضــر وأكرر في مناداته



وينك يا زمن وينـك إذا حاضر تفضل قوم
أنت اللي يبـي القاضـــي يفتح له ملفاته



أدخل بالقفص عجل قاضينا تــرى مزحوم
تفضــل جاوب القاضي على كامل سؤآلاته



الزمن



أنا موجــود يا حاجب إذا كان الزمن منهوم
والله الزمن حاضر إذا ودكــم مجـــازاته



مدام الحكم بالأنصاف يالله نكشــف المظلوم
وخلي اللي يشاكينـــي يطـرح كل شكياته



إذا له حق من عيني ألبيه الحكــــم ملزوم
خله يطــرح الشكوى ويقــدم كــل أدلاته



القاضي



تفضل يا زمن وأحلف وقول الصدق بالمتموم
قول الصدق خبرني أريد الصدق وبذاتـــه



يقولون البشـر إنك راميهم بدنيا همـــوم
وحد منهم يقـول إنك سبــب بلواه بحياتـه



وحد ثاني يقول إنه بأسبابك غـــدا مهموم
وأنت اللي غديت أسباب في مجمل عذاباتــه



وكم شخص(ن)يخبرني بسباك غدا محــروم
أنته يالــزمن باليـه بكل مجمل بليـــاته



وحد(ن) قال يا هذا من عينه سرقــت النوم
بأسبابك غـــدا غارق بوسط بحور ويلاته



وقالوا إنـك تغيرت عن ماضيك أنـت اليوم
قالوا إن الـزمن ها ليوم علينا زايدة قسـاته



جاوب قـول صارحني وبين كل شي مكتـوم
قول اللي تبي تقوله كل اللي معـــك هاته



الزمن



ألا يا سيدي القاضــي أنا من هالتهم محشوم
وخذ مني الحكي بالصدق ولك مني خلاصاتــه



أنا دارك لكل ماقلت أدري الكل علي يلـــوم
وكل وا حــد بها لـــدنيا يحملني معـاناته



صدقني أنا مظلــوم ولبسي من البراءة هدوم
وهذا حال بــن آدم يرمــي فيني غلطــاته



أنا أشوف البشر كلهم ما يرضــون بالمقسوم
وتراه الرزق من ربي حكيم(ن) في عطياتــه



كثار اللي بهالدنيا لحقوا مـن السعادة نجـوم
وقليل(ن) منهم الشاكر على النعمة اللتي جاته



وأنا يا قاضي ما تغيرت على حالي باقي دوم
باقي حالـــي الأول مثــل ما هو بـداياته



حال الناس متغير وهــــم يرموا علي اللوم
رب الكون هو عالم بسر عبــــده وخفياته



كثار اللي غدوا منهم معناه الضميــر معـدوم
يتابع دنيته بكيفه ويجي معــها لن جاتـــه



وغني المال مع ماله كل وقته غدا مزحـــوم
نسى دينه وكل ناســه وصــار يعد ألوفاته



ومنهم غره الكرســي على بالـه يملكه دوم
أبد ما فكـــر بلحظة بكـــره تنتهي حياته



وذاك اللي يا قاضي في بحر الذنوب يعــوم
ترى الشيطان لي غاويه وطيب له ملذاتــه



وحد آخر ضميره باع بدنيا الغش غدا مغروم
صار الغـش في دمه وهذي أصعــب آفاته



ختام القول يا قاضـي أنا قدامـك ومظلـوم
قلت اللي معي كله قلت الصدق لك ذاتـــه



بإيدك أنت تنصفني أو ترمي علي اللـــوم
راضي بحكمه القاضي وواثق من عدالاتــه



القاضي



سمعناه الزمـن كلــنا نطـق قوله وبالمتموم
واضح كل مــا قالــه بتفسيره وعباراتــه



وحان الوقت نتشاور يا سادة على المنظــوم
ونصدر حكمنا المنصف في مجمل مجالاتـــه



حكمنا نصدره بعد التشاور مع خيار القــوم
ونبحث في كتاب الله وندرس محكم آياتـــه



الحاجب



تراها رفعت الجلسة كل الحاضرين يقـــوم
بعد ما يخرج القاضي خلي الكل براحاتـــه



الحضور



تطمن يا زمن أمرك غدا بأيد القضاة محسوم
دوم الحق هو غالب دوم الحـــق بعـلاته



الحاجب



شرف سيدي القاضي أريدك متهمنا قيــوم
لحظة وينطق القاضي ونسمع له قــراراته



القاضي



بعد طرح التهم كلها وسمعنا قصة المتهـوم
وكل (ن) قا ل ما عنده وطرح كل حـواراته



حكم المحكمة جاهز وبختم الشرع هو مختوم
حكم لا يقبل استئناف ولا يقبل جدالاتـــه



حكم المحكمة ماضي وكل (ن) بالحكم ملزوم
بمدى التاريخ أنا أريده الكل يفهم عبراته



برائه يا زمن وأنته في كل التهــم مظلوم
وكل اللي شكا ضـــدك يتحمل خسـاراته



نعم يا ذا الزمن أنته من هذي التهم محشـوم
وخلي كل تاريخك يسجـــل في ملفاتـــه



برائة والبراءة لك أوضح من وضوح نجوم
وكل من قال لك ظالم يلزم صمته وسكاتـه