(( ** ومــن ** الـــحـــب ** مــا قــتــــــل .. !!** ))

ماعاد

باقي .. تجاهك

شي .. يدفعني

ارجووووووك

تنسى

زمااان ٍ راااح


وانساااااني ... !!
.
.
.


ما عاد باقي تجاهك شي يدفعني
ـــــــــــ ارجوك تنسى زمان ٍ راح وانساني



وشلون ابطلب خفوق ٍ كان بايعني
ـــــــــــ صعبه نعيد الخطا وياك من ثاني !!



ماشوف حبك بعد ما صار يقنعني
ـــــــــــ مدام قلبك يموت بنبرة احزاني



حاولت اجامل لقيت الحب يخدعني
ـــــــــــ بين الحنايا رمى الطعنات وانهاني



عشها حياتك بدون احباب طاوعني
ـــــــــــ واتركني اسلى واعيش العمر وحداني

حيرني اكثر سؤال ٍ فيك ضيعني
ـــــــــــ من دون ذنب ٍ جنيته ليه خلاني !!



ان جيت عادي ترى وان غبت وش يعني !!
ــــــــــــ ما كنك الا خطاي بسالف ازماني



موت المشاعر.. تصور حيل يفزعني
ــــــــــــ لقصى المتاهات منك ( الهم ) وداني !!



الجرح الاول .. عقب ما طاب شيعني
ـــــــــــ والجرح الاخر.. عقب فرقاك ناداني



ماكل شخص ٍ يمر القلب يخضعني
ـــــــــــــ اموووت مارجي حبيب ٍ صد بلساني



( العزة ) اللي ربت بالنفس ترفعني
ــــــــــــ تجري بدمي سقاها نبض .. شرياني



عوّدت منهو بغاني دوم يتبعني
ــــــــــــ ماطرد ورا اللي لامال الوقت ما جاني



اعلوم ( الاجواد والشيمات ) تمنعني
ـــــــــــــ ماجازي اللي نوى تركي .. وهجراني



واللحين مابي كلامك بس واسمعني
ــــــــــــ ارجوك تنسى زمان ٍ راح .. وانساني
.
.
.

شعر / محمد العسكر
واعذب الود لقلوبكم
النااااابضه به